Purschida – informaziuns
Angebot – Informationen
Biblioteca Ilanz/Glion

Purschida

En nossa biblioteca spetgan rodund 7000 medias da tuttas spartas sin tei. Nus menein era entgins magazins sco Geolino, Geo, Landliebe. Per tuttas vegliadetgnas anfleis vus cudischs dil fatg, belletristica, cudisch aditivs, films, comics, cudischs en romontsch ed en engles.

Affons pigns
Per nos pignets dat ei Tonies, cudischs da maletgs da cartun, cudischs per preleger, cudischs da maletgs.
Affons
Affons denter 5 – 10 onns spetgan cudischs a posta per l'emprema lectura, cudischs cun bustabs GRONDS, retschas da cudischs.
Giuvenils
Giuvenils anflan forsa era lur cudisch preferiu denter romans da fantasia, crimis ni cudischs cun temas actuals.
Carschi
Carschi san anflar igl access per leger en in lungatg sempel ni ch'els s'interesseschan forsa per autobiografias.

Uorden casa

La biblioteca sesanfla en ina casa dil marcau vegl, ch’ei sut protecziun da monuments. Nus supplichein da studegiar attentamein igl uorden casa e suandar quel.

Bien engraziament.

Abonnament digl onn

Affons & giuvenils (tochen 18)

Fr. 25.– / 45.– * 
(Open Library buca pusseivel per affons)
Carschi Fr. 50.– / 70.–* / 90.– **
Famiglias Fr. 70.– / 90.–* / 110.– **
Mo Open Library (negin emprest) Fr. 30.–
Mo medias electronicas Fr. 30.–
Emprest singul, tuttas medias Fr. 4.–
Abo d’emprender marcau vegl Fr. 40.– (per emprendists e students)
Perdita dalla carta Open Library Fr. 10.–
 

* Prezi incl. Open Library ni access medias digitalas
** Prezi incl. Open Library e medias digitalas

Abo d'emprender

Drovas ti in plaz per saver emprender concentradamein ni per scriver lavurs?
Igl abo d’emprender marcau vegl ei en nossa purschida dapi il 2025 ed ei ina cooperaiun cun Coworking 7130 e la Biblioteca Ilanz/Glion. Igl abo d’emprender marcau vegl vala per emprendists naven da 16 onns. Cun quei abo ein las portas dil marcau vegl aviartas per emprendists e students:

Access Open Library alla biblioteca ella Städtlistrasse 17, access al Coworking 7130 ella Städtlistrasse 2a
Prezi: CHF 40.- / onn

Igl abo d’emprender marcau vegl sa vegnir retratgs duront il temps d’avertura surviu ni online sin la pagina d’internet dil Coworking 7130.
Download Flyer

Retuorns

Per il retuorn dallas medias stat la scaffa da retuorn a disposiziun a Vus igl entir temps. Quella sesanfla avon l’entrada dalla biblioteca ella Städtlistrasse 17.

Nus supplichein da fierer en ils cudischs cun il dies ordavon!